Helpfawr vs help fawr vs help mawr

 

Yr wyf wedi defnyddio’r ansoddair helpfawr (“helpful”) erioed, ac felly, roeddwn i’n syn i ddysgu nad yw’n digwydd fel cofnod yn Geiriadur Prifysgol Cymru, Geiriadur yr Academi, Geiriadur Cymraeg Gomer nac yn Y Gweiadur chwaith. Yn Geiriadur yr Academi, cyfieithir helpful fel:

helpful a. [-]

1. parod eich cymwynas, gwasanaethgar, cymwynasgar to be helpful bod yn/o gymorth to be helpful around the house bod yn dda yn y tŷ 2. defnyddiol, cynorthwyol

Mae’r gair helpfawr i’w gael ar lafar, felly Nid wyf yn deall beth sydd gan bobl sy’n cynhyrchu geiriaduron yn ei erbyn. Ceir digon o ansoddeiriau cyfansawdd sy’n dilyn y patrwm:

ENW / ANS. + mawr: 

anferthfawr, cynhwysfawr, dirfawr, dwysfawr, hynodfawr 

I ddarganfod pa mor helaeth yw’r defnydd o helpfawr, gwneuthum chwiliadau cyflym yn yr Internet Archive a Google Search. Dewisais chwe phosibiliad:

1. helpfawr (ansoddair cyfansawdd)

2. help fawr (ansoddair cyfansawdd wedi ei sillafu fel dau air)[1]

3. help mawr

4. helpfawr iawn

5. help fawr iawn

6. help mawr iawn

 Dyma’r canlyniadau:

 

	Nifer y tocynnau
Amrywiolyn 1	Internet Archive	Google Search
helpfawr	0	23
help fawr	12	34
help mawr	452
Amrywiolyn 2
helpfawr iawn	0	3
help fawr iawn	0	0
help mawr iawn	12	54

Diddorol nodi na nodwyd yr un enghraifft o helpfawr yn yr IA, a help mawr yw’r amrywiolyn mwyaf cyffredin o heol, a dim ond gyda help mawr y digwydd y dwysäydd iawn.

Gyda Google Search, er mai help mawr yw’r amrywiolyn mwyaf cyffredin, nodwyd digon o enghreifftiau o helpfawr a helpfawr iawn.

Gan hynny, yr wyf i o’r farn fod helpfawr wedi hen ennill ei blwyf, a dylai geiriadurwyr ystyried ei ychwanegu at eiriaduron Cymraeg.

Gellir lawrlytho PDF o'r papur hwn yma.

---

[1]  Yn GPC ceir eg.b. yn y disgrifiad o help, sy’n golygu ei fod yn gallu bod yn wrywaidd neu’n fenywaidd.